പത്തനംതിട്ട: ജലനിരപ്പ് ഉയര്‍ന്നതിനെ തുടര്‍ന്ന് തുറന്ന പമ്പ അണക്കെട്ടിന്‍റെ ഷട്ടറുകള്‍ അടച്ചു. ജില്ലയില്‍ മഴയുടെ ശക്തി കുറഞ്ഞതിനാല്‍ അണക്കെട്ടിലേക്കുള്ള നീരോഴുക്ക് കുറഞ്ഞു. ഈ സാഹചര്യത്തിലാണ് ഞായറാഴ്‌ച പുലര്‍ച്ചെ തുറന്ന അണക്കെട്ടിന്‍റെ ആറ് ഷട്ടറുകളും അടച്ചത്. 60 സെന്‍റിമീറ്റര്‍ ഉയര്‍ത്തി സെക്കന്‍ഡില്‍ 82 ക്യുബിക് മീറ്റര്‍ അധിക ജലമാണ് കഴിഞ്ഞ ദിവസം പുറത്തേക്ക് വിട്ടത്. 986.332 മീറ്റർ പരമാവധി സംഭരണ ശേഷിയുള്ള പമ്പ അണക്കെട്ടില്‍ 982.8 മീറ്ററാണ് ഇപ്പോഴത്തെ ജലനിരപ്പ്.
മഴ കുറഞ്ഞു; പമ്പ അണക്കെട്ടിന്‍റെ ഷട്ടറുകള്‍ അടച്ചു