ചത്തീസ്‌ഗഡിൽ മലയാളിയെ കൊല്ലപ്പെട്ട രീതിയിൽ കണ്ടെത്തി

57കാരനായ ചുമത്ര കുഴിമണ്ണിൽ തെക്ക് ടോം സി. മാത്യുവിനെയാണ് കഴുത്തറുത്ത രീതിയിൽ കണ്ടെത്തിയത്.

പത്തനംതിട്ട/ ചത്തീസ്‌ഗഡ്: ഛത്തീസ്‌ഗഡിലെ ബിലാസ്‌പൂർ റെയിൽവേ സ്റ്റേഷന് സമീപമുളള കുറ്റിക്കാട്ടിൽ മധ്യവയസ്‌കനെ കൊല്ലപ്പെട്ട രീതിയിൽ കണ്ടെത്തി. 57കാരനായ ചുമത്ര കുഴിമണ്ണിൽ തെക്ക് ടോം സി. മാത്യുവിനെയാണ് കഴുത്തറുത്ത രീതിയിൽ കണ്ടെത്തിയത്. ബിലാസ്‌പൂരിലെ സ്വകാര്യ സിമന്‍റ് ഫാക്‌ടറിയിൽ സിവിൽ കരാറുകാരനായിരുന്നു ടോം സി. മാത്യു . ക്വാട്ടേഴ്‌സിൽ നിന്നും ഞായറാഴ്‌ച ഉച്ചയോടെയാണ് ടോമിനെ കാണാതായത്. ചൊവ്വാഴ്‌ചയാണ് കുറ്റിക്കാട്ടിൽ നിന്ന് മൃതദേഹം കണ്ടെത്തിയത്. കൊലപാതകമാണെന്നാണ് പ്രാഥമിക നിഗമനം. കൊലപാതകത്തിന് പിന്നിലെ കാരണം വ്യക്തമല്ല.