ടിപ്പർ ലോറിയും സ്‌കൂട്ടറും കൂട്ടിയിടിച്ച് ഒരാൾ മരിച്ചു

തിങ്കഴാഴ്‌ച രാവിലെ 11മണിയോടെ കുമ്പനാട് മുട്ടുമണ്ണിന് സമീപത്താണ് അപകടമുണ്ടായത്

പത്തനംതിട്ട: കുമ്പനാട് ടിപ്പർ ലോറിയും സ്‌കൂട്ടറും കൂട്ടിയിടിച്ച് ഒരാൾ മരിച്ചു. ചിറ്റാര്‍ സ്വദേശി കെ.കെ രാജൻ (55) ആണ് മരിച്ചത്. തിങ്കളാഴ്‌ച രാവിലെ 11 മണിയോടെ കുമ്പനാട് മുട്ടുമണ്ണിന് സമീപത്താണ് അപകടമുണ്ടായത്. സിപിഐ (എം)ചിറ്റാർ ലോക്കൽ കമ്മറ്റി അംഗം, പി.കെ.എസ് പെരുനാട് ഏരിയ കമ്മറ്റി അംഗം, ഹെഡ് ലോഡ് & ജനറൽ വർക്കേഴ്‌സ് യൂണിയൻ (സിഐടിയു) പെരുനാട് ഏരിയ ജോയിന്‍റ് സെക്രട്ടറി, കോതയാട്ടുപാറ ബ്രാഞ്ച് സെക്രട്ടറി എന്നീ നിലകളിൽ പ്രവർത്തിച്ചിരുന്ന ആളാണ് രാജൻ. കുമ്പനാടുള്ള ബന്ധുവിന്‍റെ ശവസംസ്‌കാരത്തിന് പോകുമ്പോഴാണ് അപകടം ഉണ്ടായത്.