പത്തനംതിട്ട: വായില്‍ മാര്‍ക്കര്‍ കടിച്ച് പിടിച്ച്‌ ജ്യോത്സന ചിത്രം രചിച്ചത് ഇന്ത്യ ബുക്ക് ഓഫ്‌ റെക്കോഡ്‌സിലേക്ക്. ഏറെ നാളത്തെ പരിശ്രമത്തിനൊടുവിലാണ് ജ്യോത്സന ഈ നേട്ടം കൈവരിച്ചത്. നാല്‌ മണിക്കൂറുകള്‍ കൊണ്ട് ഇഎംഎസ് മുതല്‍ പിണറായി വിജയന്‍ വരെയുള്ള കേരളത്തിലെ മുഖ്യമന്ത്രിമാരുടെ മനോഹര സ്റ്റെന്‍സില്‍ ചിത്രങ്ങളാണ് ഇന്ത്യ ബുക്ക് ഓഫ്‌ റെക്കോഡ്സ് അംഗീകാരത്തിന് ജ്യോത്സനയെ അര്‍ഹയാക്കിയത്‌.
ഇന്ത്യ ബുക്ക് ഓഫ്‌ റെക്കോഡ്‌സിലേക്ക് വായകൊണ്ട് ചിത്രം രചിച്ച് ജ്യോത്സന
പന്തളം കുളനട പനങ്ങാട് സുരഭിയിൽ സുരേന്ദ്രൻ നായരുടെയും ജയശ്രീയുടെയും മകളാണ് ജ്യോത്സന. ചിത്ര രചന പഠിച്ചിട്ടില്ലെങ്കിലും ചെറുപ്പം മുതല്‍ ചിത്ര രചനയിലാണ് താല്‍പര്യം. സ്‌കൂള്‍തലം മുതല്‍ മത്സരങ്ങളില്‍ സമ്മാനങ്ങള്‍ വാരികൂട്ടിയിട്ടുണ്ട് ജ്യോത്സന.