പത്തനംതിട്ട: ഒരു മെയ് ദിനം കൂടി കടന്നുപോകുമ്പോൾ കഷ്‌ടപ്പെടുന്നവരുടേയും വേദനിക്കുന്നവരുടേയും ഒരായിരം കഥകൾ കൂടിയാണ്. അങ്ങനെയൊരു കഥയാണ് ഇനി പറയുന്നത്. പത്തനംതിട്ട ജില്ലയിലെ അടൂരിലെത്തിയാല്‍ മുച്ചക്ര സ്‌കൂട്ടറില്‍ ലോട്ടറി വില്‍പ്പന നടത്തുന്ന സേതുനാഥ കുറുപ്പിനെ കാണാം.
അരയ്ക്ക് താഴെ മുറിച്ചു നീക്കിയ പോലുള്ള ശരീരവുമായിട്ടായിരുന്നു സേതുനാഥ കുറുപ്പിന്‍റെ ജനനം. ജീവനോടെ എത്രനാള്‍ എന്ന് ആശങ്കപ്പെട്ട നാട്ടുകാർക്കും വീട്ടുകാർക്കുമിടയിലൂടെ മുച്ചക്ര സ്കൂട്ടറിൽ ലോട്ടറി വിറ്റ് ഉപജീവനം കണ്ടെത്തുകയാണ് ഈ നാൽപ്പത്തിയെട്ടുകാരൻ. രാവിലെ 8 മണിയ്ക്ക് വീട്ടിൽ നിന്നിറങ്ങിയാൽ 10 മണിയോടെ അടൂരിലെത്തും.
പാതി മെയ്യുമായി ഭാഗ്യം തേടുകയല്ല, ജീവിതത്തിന്‍റെ രണ്ടറ്റം കൂട്ടിമുട്ടിക്കുകയാണ്.. സേതുനാഥ കുറുപ്പിന് മെയ് ദിന സല്യൂട്ട്