പത്തനംതിട്ട: വീടിനായി അപേക്ഷ നൽകിയിട്ടും നടപടിയില്ലാത്തതിനെ തുടർന്ന് റാന്നിയിലെ ജില്ലാ ട്രൈബൽ ഓഫീസിന് മുന്നിൽ കുടുംബത്തിന്‍റെ പ്രതിഷേധം. റാന്നി എഴുമറ്റൂർ ഉപ്പുമാക്കൽ കോളനിയിലെ വാലക്കൽ വീട്ടിൽ രാജുവും ഭാര്യ സുധയുമാണ് ഓട്ടിസം ബാധിച്ച മകനുമായി പ്രതിഷേധിച്ചത്. 2014ലാണ് ഈ കുടുംബം വീടിനായി അപേക്ഷ നൽകിയത്. എന്നാൽ ഇത് വരെയായിട്ടും അധികൃതരുടെ ഭാഗത്ത് നിന്ന് യാതൊരു നടപടിയും ഉണ്ടായില്ലെന്ന് ഈ ആദിവാസി കുടുംബം പറയുന്നു. നിലവിൽ മറ്റൊരു വീടിന്‍റെ സെപ്ടിക് ടാങ്കിന് മുകളിൽ ടാർപോളിൻ കെട്ടിയാണ് താമസിക്കുന്നതെന്നും സുധ പറഞ്ഞു.
ഓട്ടിസം ബാധിച്ച കുഞ്ഞുമായി ജില്ലാ ട്രൈബൽ ഓഫീസിന് മുന്നിൽ പ്രതിഷേധിച്ചു