പത്തനംതിട്ട: കൊറോണ വൈറസ് ബാധയെ പ്രതിരോധിക്കാൻ വ്യത്യസ്‌ത പ്രചാരണവുമായി പ്രശസ്‌ത കാര്‍ട്ടൂണിസ്റ്റ് ഷാജി മാത്യു. കാര്‍ട്ടൂണുകളും പോസ്റ്ററുകളും ഒരുക്കിയാണ് രോഗപ്രതിരോധത്തിന്‍റെ ആശയങ്ങള്‍ പൊതുജനങ്ങൾക്കായി ഷാജി മാത്യു രൂപകല്‍പ്പന ചെയ്തത്. പൊതുവിദ്യാഭ്യാസ സംരക്ഷണ യജ്ഞത്തിന്‍റെ സഹകരണത്തോടെ പത്തനംതിട്ടക്കടുത്ത് മേക്കൊഴൂരിലായിരുന്നു പ്രദർശനം.
കൊറോണക്കെതിരെ കാർട്ടൂൺ ബോധവൽക്കരണം
പൊതുവിദ്യാഭ്യാസ സംരക്ഷണ യജ്ഞത്തിന്‍റെ സഹകരണത്തോടെയായിരുന്നു പ്രദർശനം
കൊറോണക്കെതിരെ കാർട്ടൂൺ
കാഴ്ചക്കാരെ സ്വയം ചിന്തിപ്പിക്കുന്ന വിധമാണ് പോസ്റ്ററുകളും കാര്‍ട്ടൂണുകളും തയ്യാറാക്കിയിട്ടുള്ളത്. കൊറോണ രോഗത്തെ സംബന്ധിച്ച മുന്‍കരുതല്‍ നടപടി എടുക്കുവാന്‍ പ്രേരിപ്പിക്കുന്നതിനൊപ്പം രോഗം സംബന്ധിച്ച ശാസ്ത്രീയമായ അവബോധം ഉളവാക്കുന്ന രചനകളാണ് ഉള്‍പ്പെടുത്തിയിട്ടുള്ളത്. രോഗലക്ഷണങ്ങളെയും രോഗപ്രതിരോധത്തിനുള്ള വഴികളെയും ലളിതമായ ആശയങ്ങളായി അവതരിപ്പിച്ചുവെന്ന് കാര്‍ട്ടൂണ്‍ പ്രദര്‍ശനം ഉദ്ഘാടനം ചെയ്‌ത ജില്ലാ പഞ്ചായത്ത് വൈസ് പ്രസിഡന്‍റ് ജോര്‍ജ്ജ് മാമന്‍ കൊണ്ടൂര്‍ പറഞ്ഞു.