പത്തനംതിട്ട: ആറ്റില്‍ കുളിക്കാനിറങ്ങിയ വിദ്യാർഥികൾ ഉൾപ്പെടെ 4 പേർ മുങ്ങി മരിച്ചു. തിരുവല്ല മണിമലയാറ്റിൽ കുളിക്കാനിറങ്ങിയ രണ്ടു വിദ്യാർഥികളാണ് മരിച്ചത്. തിരുനല്‍വേലി സ്വദേശി കാര്‍ത്തിക് (16), തെങ്കാശി തിരുനല്‍വേലി പനവടലി സത്രത്തില്‍ ശബരി (15) എന്നിവരാണ് മല്ലപ്പളളിയില്‍ മണിമലയാറ്റിലെ വടക്കന്‍ കടവില്‍ മുങ്ങി മരിച്ചത്.
മുങ്ങിമരിച്ചവരുടെ മൃതദേഹങ്ങൾ കണ്ടെത്തി
മല്ലപ്പള്ളിയില്‍ ബന്ധുവീട്ടില്‍ വന്നതായിരുന്നു ഇവര്‍. വടക്കന്‍ കടവിലെ കയത്തിലാണ് ഒഴുക്കില്‍പ്പെട്ടത്. ഇവരുടെ കുടുംബം തൃശൂര്‍ കൊടകരയില്‍ താമസിക്കുകയാണ്. ബന്ധുവീട്ടിലെ ചടങ്ങില്‍ പങ്കെടുക്കാനെത്തിയ എട്ട് കുട്ടികൾ വീട്ടുകാരോട് പറയാതെയാണ് മല്ലപ്പള്ളി മണിമലയാറ്റിലെ വടക്കന്‍ കടവില്‍ കുളിക്കാനിറങ്ങിയത്. ഇതിൽ മൂന്ന് കുട്ടികൾ ശക്തമായ ഒഴുക്കില്‍പ്പെടുകയായിരുന്നു. ഇതില്‍ രണ്ട് പേരാണ് മുങ്ങിമരിച്ചത്.