പാലക്കാട്: പണം വാങ്ങി ആളുകളെ അതിര്‍ത്തി കടത്തുന്ന സംഘങ്ങള്‍ പ്രവര്‍ത്തിക്കുന്നതായി റിപ്പോര്‍ട്ട്. ഇതിനെ തുടര്‍ന്ന് വാളയാര്‍ ഉള്‍പ്പടെയുള്ള അതിര്‍ത്തി ചെക്ക് പോസ്റ്റുകളില്‍ പൊലീസ് പരിശോധന ശക്തമാക്കി. വാളയാർ, ചിറ്റൂർ, കൊല്ലങ്കോട് മേഖലകളിലെ അതിർത്തികളിലാണ് പരിശോധന കർശനമാക്കിയിരിക്കുന്നത്. ചരക്ക് വാഹനങ്ങളാണ് അതിർത്തി കടത്തുന്നതിനായി സംഘങ്ങള്‍ ഉപയോഗിക്കുന്നത്. ഇത്തരത്തില്‍ കടക്കാന്‍ ശ്രമിച്ച പത്തിലധികം ആളുകളെ കഴിഞ്ഞ ദിവസങ്ങളിലെ പരിശോധനയില്‍ പൊലീസ് പിടികൂടിയിരുന്നു. ഇതോടെയാണ് നിരീക്ഷണവും പരിശോധനയും ശക്തമാക്കിയത്.
അതിര്‍ത്തി കടത്തല്‍ സംഘങ്ങള്‍ വ്യാപകം, ചെക്ക് പോസ്റ്റുകളില്‍ കര്‍ശന പരിശോധന