ബിജെപി നേതൃത്വത്തിനെതിരെ പരസ്യ വിമർശനവുമായി ശോഭാ സുരേന്ദ്രൻ

കാര്യങ്ങൾ കേന്ദ്ര നേതാക്കളുടെ ശ്രദ്ധയിൽപ്പെടുത്തിയിട്ടുണ്ടെന്നും ശോഭ സുരേന്ദ്രൻ പാലക്കാട് പറഞ്ഞു

പാലക്കാട്: ദേശീയ നിർവാഹക സമിതി അംഗമായിരുന്ന തന്നെ കീഴ്വഴക്കങ്ങൾ ലംഘിച്ചാണ് സംസ്ഥാന വൈസ് പ്രസിഡന്‍റാക്കിയതെന്ന് ശോഭാ സുരേന്ദ്രൻ. ഇക്കാര്യങ്ങൾ കേന്ദ്ര നേതാക്കളുടെ ശ്രദ്ധയിൽപ്പെടുത്തിയിട്ടുണ്ടെന്നും അവർ പാലക്കാട് പറഞ്ഞു. വാളയാർ പെൺകുട്ടികളുടെ അമ്മയുടെ സമരപന്തൽ സന്ദർശിച്ച് സർക്കാരിനെതിരെ വിമർശനങ്ങൾ ഉയർത്തിയ ശേഷമായിരുന്നു ബിജെപി നേതൃത്വത്തിനെതിരെയുള്ള ശോഭാ സുരേന്ദ്രൻ്റെ പ്രതികരണം.