പാലക്കാട്: മുതിർന്ന കോൺഗ്രസ് നേതാവും മുൻ മന്ത്രിയുമായ കെ.ശങ്കരനാരായണൻ (90) അന്തരിച്ചു. പാലക്കാട്ടെ വസതിയിലായിരുന്നു അന്ത്യം. ആറ് സംസ്ഥാനങ്ങളിലെ ഗവർണറായ ഏക മലയാളിയാണ്.
1932 ഒക്ടോബർ അഞ്ചിന് പാലക്കാട് ജില്ലയിലെ ഷൊർണൂരില് ജനിച്ചു. വിദ്യാർഥിയായിരിക്കെ കോൺഗ്രസ് രാഷ്ട്രീയത്തില് സജീവമായി. 1977-ൽ തൃത്താലയിൽ നിന്ന് ആദ്യമായി കേരള നിയമസഭാംഗമായി. 1980-ൽ ശ്രീകൃഷ്ണപുരത്ത് നിന്നും 1987ല് ഒറ്റപ്പാലത്ത് നിന്നും 2001ല് പാലക്കാട് നിന്നും നിയമസഭാംഗമായി.