പാലക്കാട് : തൃക്കാക്കര ഉപതെരഞ്ഞെടുപ്പിലെ എല്‍ ഡി എഫ് സ്ഥാനാര്‍ഥി ഡോ.ജോ.ജോസഫിനെതിരെ അശ്ലീല വീഡിയോ പ്രചരിപ്പിച്ചെന്ന കേസില്‍ പട്ടാമ്പിയിലെ കോണ്‍ഗ്രസ് നേതാവ് അറസ്റ്റില്‍. ആമയൂര്‍ മണ്ഡലം കോണ്‍ഗ്രസ് പ്രസിഡന്‍റ് ടി.കെ ഷുക്കൂറാണ് പിടിയിലായത്.
ആമയൂരിലെ പുതിയ റോഡിലെ വീട്ടില്‍ നിന്നാണ് തൃക്കാക്കര പൊലീസ് ഇയാളെ അറസ്റ്റ് ചെയ്തത്. ജോ.ജോസഫിനെതിരെ വ്യാജ വീഡിയോ പ്രചരിപ്പിച്ചതിന് കഴിഞ്ഞ ദിവസം ആലത്തൂർ മുൻ യൂത്ത്‌ കോൺഗ്രസ്‌ നിയോജകമണ്ഡലം മണ്ഡലം സെക്രട്ടറി തേങ്കുറിശി വെമ്പലൂർ അരിയക്കോട്‌ വീട്ടിൽ ശിവദാസനെ പൊലീസ് അറസ്റ്റ് ചെയ്തിരുന്നു.