പാലക്കാട്: നെല്ലിയാമ്പതിയിൽ സർക്കാരിന്‍റെ പഴത്തോട്ടത്തിൽ ഓറഞ്ചുകൾ വിളവെടുപ്പിന് ഒരുങ്ങിയിരിക്കുകയാണ്. നാല് വർഷം മുൻപ് 2016 മെയിൽ നട്ട തൈകളാണ് ഇന്ന് നിറയെ ഓറഞ്ചുകളുമായി തോട്ടത്തിൽ വിളവെടുപ്പിന് തയ്യാറായി നിൽക്കുന്നത്. 25 ഹെക്‌ടറിലായി 2300 ഓറഞ്ച് മരങ്ങളാണ് ഫാമിലുള്ളത്. ഇതിൽ 2000 എണ്ണം നാഗ്‌പൂർ ഇനത്തിൽ പെടുന്നതും 300 എണ്ണം കുടക് ഓറഞ്ചുമാണ്. ഒന്നര ടൺ ഓറഞ്ച് ആണ് വിളവെടുപ്പിൽ ഫാം അധികൃതർ പ്രതീക്ഷിക്കുന്നത്.
ഓറഞ്ച് രുചിക്കുന്ന സർക്കാർ തോട്ടം