പാലക്കാട്:പാലക്കാട് നഗരസഭയില്‍ വര്‍ഗീയ മുദ്രാവാക്യം മു‍ഴക്കി ജയ് ശ്രീറാം ബാനര്‍ ഉയര്‍ത്തിയ സംഭവത്തിൽ പൊലീസ് കേസെടുത്തു. മത സ്പര്‍ധ വളര്‍ത്താന്‍ ശ്രമിച്ചതിനാണ് പാലക്കാട് സൗത്ത് പൊലീസ് കേസെടുത്തത്. നഗരസഭ സെക്രട്ടറി നല്‍കിയ പരാതിയിലാണ് കേസ് എടുത്തത്. സിപിഎമ്മും കോണ്‍ഗ്രസും സംഭവത്തില്‍ പരാതി നല്‍കിയിരുന്നു. തദ്ദേശ സ്വയംഭരണ തെരഞ്ഞെടുപ്പ് വോട്ടെണ്ണല്‍ ദിവസം പാലക്കാട് നഗരസഭയില്‍ ബിജെപി ജയിച്ചതിന് പിന്നാലെയാണ് നഗരസഭ കയ്യേറി വര്‍ഗീയ മുദ്രാവാക്യങ്ങളുയര്‍ത്തി ആര്‍എസ്എസ്-ബിജെപി പ്രവര്‍ത്തകര്‍ ജയ് ശ്രീറാം ബാനര്‍ ഉയര്‍ത്തിയത്. മത സ്പര്‍ധ വളര്‍ത്താന്‍ ശ്രമിച്ചതിനാണ് പാലക്കാട് സൗത്ത് പൊലീസ് കേസെടുത്തത്. നഗരസഭ സെക്രട്ടറി നല്‍കിയ പരാതിയുടെ അടിസ്ഥാനത്തിൽ ഇന്ത്യന്‍ ശിക്ഷാ നിയത്തിലെ 153ആം വകുപ്പ് പ്രകാരമാണ് പൊലീസ് കേസ് രജിസ്റ്റര്‍ ചെയ്തത്.
പാലക്കാട് നഗരസഭയില്‍ ജയ് ശ്രീറാം ബാനര്‍ ഉയര്‍ത്തിയ സംഭവത്തില്‍ പൊലീസ് കേസെടുത്തു