മീനാക്ഷിപുരം ചെക്ക്‌പോസ്റ്റിൽ സ്വർണവും പണവും പിടികൂടി

സ്വർണം കടത്താൻ ശ്രമിച്ച അഞ്ചുമൂർത്തി മംഗലം സ്വദേശികളായ സതീഷ്, കൃജേഷ് എന്നിവരെ കസ്റ്റഡിയിലെടുത്തു

പാലക്കാട്:പാലക്കാട് മീനാക്ഷിപുരം ചെക്‌പോസ്റ്റിൽ മൂന്നരക്കിലോ സ്വർണാഭരണങ്ങളും ആറു ലക്ഷം രൂപയും പിടികൂടി. സ്വർണം കടത്താൻ ശ്രമിച്ച അഞ്ചുമൂർത്തി മംഗലം സ്വദേശികളായ സതീഷ്, കൃജേഷ് എന്നിവരെ എക്‌സൈസ് സംഘം കസ്റ്റഡിയിലെടുത്തു.

പിടികൂടിയ സ്വർണാഭരണങ്ങൾക്ക് ഒന്നരക്കോടി രൂപയിലേറെ വിലവരും. ഇവർ നേരത്തെയും സമാന രീതിയിൽ രേഖകളില്ലാതെ സ്വർണം കടത്തിയതായി എക്‌സൈസ് സംഘത്തോട് സമ്മതിച്ചിട്ടുണ്ട്. സ്വർണവും പണവും കസ്റ്റംസിന് കൈമാറും.