പാലക്കാട്: ധോണിയില്‍ നടക്കാനിറങ്ങിയ ആളെ ആന ചവിട്ടി കൊന്നു. പയറ്റാംകുന്ന് സ്വദേശി ശിവരാമനാണ് മരിച്ചത്. ഇന്ന് പുലര്‍ച്ചെ അഞ്ച് മണിയോടെയാണ് സംഭവം. എട്ടോളം പേര്‍ക്കൊപ്പമായിരുന്നു ശിവരാമന്‍ നടക്കാനിറങ്ങിയത്.
ധോണിയില്‍ പ്രഭാത സവാരിക്കിറങ്ങിയ ആളെ ആന ചവിട്ടി കൊന്നു
കാട്ടാന ശല്യം പരിഹരിക്കുന്നതില്‍ വനംവകുപ്പ് ഉദ്യോഗസ്ഥര്‍ വരുത്തുന്ന അനാസ്ഥയാണ് സംഭവത്തിലേക്ക് നയിച്ചതെന്ന് ആരോപിച്ച് രാഷ്‌ട്രീയ ഡിഎഫ്‌ഒ ഓഫിസിന് മുന്നില്‍ പ്രതിഷേധിച്ചു
ധോണിയില്‍ പ്രഭാത സവാരിക്കിറങ്ങിയ ആളെ ആന ചവിട്ടി കൊന്നു
മുന്നില്‍ നടന്ന രണ്ട് പേരെ വിരട്ടിയോടിച്ച ആന പിന്നാലെയുണ്ടായിരുന്ന ശിവരാമനെ തൂക്കിയെടുത്ത് നിലത്തടിക്കുകയായിരുന്നു എന്നാണ് ദൃക്‌സാക്ഷികള്‍ പറയുന്നത്. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
മൃതദേഹം പാലക്കാട് ജില്ല ആശുപത്രിയില്‍ സൂക്ഷിച്ചിരിക്കുകയാണ്. സംഭവത്തിൽ പ്രതിഷേധിച്ച് എൽഡിഎഫ് പ്രവർത്തകർ ഡിഎഫ്‌ഒ ഓഫിസ് ഉപരോധിച്ചു. ഡിഎഫ്‌ഒ ഓഫിസിലേക്ക് ബിജെപി മാർച്ച് നടത്തി.
Last Updated : Jul 8, 2022, 2:07 PM IST