പാലക്കാട്: അംഗൻവാടി നവീകരണത്തിൽ അപാകത ആരോപിച്ച് നാട്ടുകാരും പൊതുപ്രവർത്തകരും രംഗത്ത്. ഓങ്ങല്ലൂർ ഗ്രാമപഞ്ചായത്തിലെ കുഴിയാനംകുന്നിലുള്ള അംഗൻവാടിയുടെ മേൽക്കൂരയിൽ ഷീറ്റ് ഇടുന്നതിനെതിരെയാണ് പ്രതിഷേധം. ഷീറ്റ് ഇട്ടാൽ കുട്ടികൾക്ക് അസഹ്യമായ ചൂട് അനുഭവപ്പെടുമെന്നതിനാലാണ് പ്രതിഷേധം ഉയരുന്നത്. മുൻപ് ഓടിട്ടതായിരുന്നു കെട്ടിടം. ഇപ്പോൾ നവീകരണത്തിൻ്റെ പേരിൽ ഓടും മേൽക്കൂരയും പൊളിച്ചു നീക്കി ഗ്രാമപഞ്ചായത്ത് ഫണ്ടുപയോഗിച്ച് മെറ്റൽ ഷീറ്റ് ഇടുന്ന പ്രവർത്തനമാണ് നടക്കുന്നത്. ഇത് ആലോചനയില്ലാതെ നടത്തുന്ന പ്രവർത്തനമാണെന്നാണ് ആരോപണം. ഷീറ്റ് ഇടാനാണ് തീരുമാനമെങ്കിൽ കുട്ടികളെ അംഗൻവാടിയിലേക്ക് വിടില്ലെന്നാണ് രക്ഷിതാക്കളുടെ നിലപാട്.
അംഗൻവാടി നവീകരണത്തിൽ അപാകത; പ്രതിഷേധവുമായി നാട്ടുകാർ