പാലക്കാട്: ഒലവക്കോട് റെയിൽവേ സ്റ്റേഷനിൽ വനിതാ കമ്പാർട്ട്മെന്‍റിൽ നിന്നും 25 കിലോ കഞ്ചാവ് ഉപേക്ഷിച്ച നിലയില്‍ കണ്ടെത്തി. റെയിൽ പ്രോട്ടക്ഷൻ ഫോഴ്‌സ് നടത്തിയ പരിശോധനയിലാണ് ഹൈദരാബാദ്-തിരുവനന്തപുരം ശബരി എക്‌സ്‌പ്രസിലെ വനിത കമ്പാർട്ട്മെന്‍റിൽ നിന്നും മൂന്ന് പ്ലാസ്റ്റിക് കവറുകളിലായി സൂക്ഷിച്ച കഞ്ചാവ് കണ്ടെത്തിയത്. ലഹരി വിപണിയിൽ പന്ത്രണ്ടര ലക്ഷം രൂപയോളം വിലവരുന്ന കഞ്ചാവാണെന്ന് അന്വേഷണ സംഘം പറഞ്ഞു.
വനിതാ കമ്പാർട്ട്മെന്‍റിൽ 25 കിലോ കഞ്ചാവ് ഉപേക്ഷിച്ച നിലയില്‍