രണ്ടു കിലോ കഞ്ചാവുമായി യുവാവ് എക്സൈസ് പിടിയിൽ

നിലമ്പൂർ ടൗണിലെ ലോഡ്‌ജ് മുറിയിൽ താമസിച്ചാണ് കഞ്ചാവ് വിൽപ്പനയെന്നും വിദ്യാർഥികളെയും, യുവാക്കളെയും, അന്യസംസ്ഥാന തൊഴിലാളികളെയും കേന്ദ്രീകരിച്ചാണ് ഇയാൾ കഞ്ചാവ് വിൽപ്പന നടത്തുന്നതെന്നും പൊലീസ് പറഞ്ഞു

മലപ്പുറം: രണ്ടു കിലോ കഞ്ചാവുമായി യുവാവ് എക്സൈസ് പിടിയിലായി. നിലമ്പൂർ ടൗൺ കേന്ദ്രീകരിച്ച് കഞ്ചാവ് വിൽപ്പന നടത്തുന്ന സംഘത്തിലെ മുഖ്യകണ്ണിയായ മേലെ കുറ്റമ്പാറ പൊടിയാട്ട് പി വിഷ്‌ണു (25)വിനെയാണ് നിലമ്പൂർ എക്‌സൈസ് ഇൻസ്പെക്ടർ റോബിൻ ബാബു അറസ്റ്റ് ചെയ്‌തത്. ഇയാളിൽ നിന്നും 2.100 കിലോഗ്രാം കഞ്ചാവ് പിടികൂടി. നിലമ്പൂർ ടൗണിലെ ലോഡ്‌ജ് മുറിയിൽ താമസിച്ചാണ് കഞ്ചാവ് വിൽപ്പനയെന്നും നിലമ്പൂർ മേഖലയിൽ വിദ്യാർഥികളെയും യുവാക്കളെയും, അന്യസംസ്ഥാന തൊഴിലാളികളെയും കേന്ദ്രീകരിച്ചാണ് ഇയാൾ കഞ്ചാവ് വിൽപ്പന നടത്തുന്നതെന്നും പൊലീസ് പറഞ്ഞു. നാല് മാസം മുൻപ് ഇയാളെ പൂക്കോട്ടും പാടത്ത് നിന്ന് എക്സൈസ് പിടികൂടിയിരുന്നു. നിലമ്പൂർ കേന്ദ്രീകരിച്ച് കഞ്ചാവ് വിൽപ്പന സജീവമായിരിക്കുകയാണ്. ഇരുചക്രവാഹനങ്ങളിലും ഓട്ടോറിക്ഷകളിലും കഞ്ചാവ് വിൽപ്പന നടത്തുന്ന സംഘങ്ങൾ ഇവിടെ സജീവമാണ്.