മലപ്പുറം: കൗതുകമായി മഞ്ചേരിയിലെ അധ്യാപകന്‍റെ കുഞ്ഞന്‍ ലോകകപ്പ് മാതൃക. 400 മില്ലി ഗ്രാം സ്വര്‍ണത്തിലാണ് കുഞ്ഞന്‍ ലോകകപ്പ് മാതൃക തീര്‍ത്തിരിക്കുന്നത്. തൃപ്പനച്ചി എയുപി സ്‌കൂളിലെ സാമൂഹ്യ ശാസ്‌ത്ര അധ്യാപകനായ അബ്‌ദുല്‍ അലിയുടെ ശേഖരത്തിലാണ് ഈ ലോകകപ്പ് മാതൃക ഉള്ളത്.
200 മില്ലി ഗ്രാം സ്വര്‍ണത്തില്‍ തീര്‍ത്ത മറ്റൊരു ലോകകപ്പ് മാതൃക കൂടി അബ്‌ദുല്‍ അലിയുടെ ശേഖരത്തിലുണ്ട്. സ്‌കൂളിലെ വിദ്യാര്‍ഥികള്‍ക്കായി കഴിഞ്ഞ ദിവസം ലോകകപ്പ് മാതൃക പ്രദര്‍ശനത്തിന് വച്ചിരുന്നു. കൊണ്ടോട്ടിയിലുള്ള സുഹൃത്തിന്‍റെ സഹായത്തോടെ അഞ്ച് വര്‍ഷം മുമ്പാണ് ഈ കുഞ്ഞന്‍ ലോകകപ്പ് നിര്‍മിച്ചത്.
ലോകകപ്പിന്‍റെ കുഞ്ഞന്‍ മാതൃക