മലപ്പുറം: നിലമ്പൂര്‍ ചാലിയാര്‍ പഞ്ചായത്തില്‍ കാട്ടാന ശല്യം രൂക്ഷം. ജനവാസ മേഖലയിലെത്തിയ കാട്ടാന വ്യാപകമായി കൃഷി നശിപ്പിച്ചു. വൈലശേരി, വേട്ടേക്കോട്, പെരുമ്പത്തൂര്‍, മണ്ണുപ്പാടം, മൊടവണ്ണ എന്നീ മേഖലകളില്‍ കാട്ടാന ശല്യം തുടങ്ങിയിട്ട് നാളേറെയായി.
ഇന്നലെ രാത്രിയും കാട്ടാന കൃഷി നഷിപ്പിച്ചു. വൈലശേരി സ്വദേശിയായ അബു എന്നയാളുടെ വിളവെടുപ്പ് പാകമായ വാഴകളാണ് കാട്ടാന നശിപ്പിച്ചത്. രാത്രി പത്ത് മണിയോടെയാണ് മേഖലയില്‍ ആനയിറങ്ങിയത്. വിവരമറിഞ്ഞതിനെ തുടര്‍ന്ന് ആര്‍ആര്‍ടി സംഘം സ്ഥലത്തെത്തി ആനയെ തുരത്തി.