മലപ്പുറത്ത് ഓട്ടോ മറിഞ്ഞ് മൂന്ന് പേര്‍ മരിച്ചു

കുട്ടികളടക്കം നാല്‌ പേര്‍ പരിക്കുകളോടെ രക്ഷപ്പെട്ടു

മലപ്പുറം : ആനക്കയം വള്ളിക്കാപറ്റയില്‍ ഓട്ടോറിക്ഷ മറിഞ്ഞ്‌ ഒരു കുടുംബത്തിലെ മൂന്ന് പേര്‍ മരിച്ചു. ആനക്കയം ചേപ്പൂര്‍ സ്വദേശികളായ ഉസ്‌മാന്‍കുട്ടി, സഹോദരി ഖൈറുന്നീസ, ഭാര്യ സുലൈഖ എന്നിവരാണ് മരിച്ചത്.

ഓട്ടോയിലുണ്ടായിരുന്ന ഉസ്‌മാന്‍കുട്ടിയുടെയും ഖൈറുന്നീസയുടെയും കുട്ടികളും ഓട്ടോ ഡ്രൈവറായ അസല്‍കുട്ടിയും പരിക്കുകളോടെ രക്ഷപെട്ടു. ഇവരെ കോഴിക്കോട്‌ മെഡിക്കല്‍ കോളജില്‍ പ്രവേശിപ്പിച്ചു.

ഉസ്‌മാന്‍കുട്ടിയും കുടുംബവും സഹോദരന്‍റെ വീട്ടിലേക്ക് പോകുമ്പോള്‍ ഇവര്‍ സഞ്ചരിച്ചിരുന്ന ഓട്ടോറിക്ഷ കുഴിയിലേക്ക് വീഴുകയായിരുന്നു. മരിച്ചവരുടെ മൃതദേഹങ്ങള്‍ മഞ്ചേരി മെഡിക്കല്‍ കോളജിലേക്ക് മാറ്റി.