മലപ്പുറം: എക്സൈസ് വകുപ്പിൽ ആദ്യ വനിതാ ഇന്‍സ്‌പെക്ടറായി സജിത തിരൂർ സ്റ്റേഷനിൽ ചുമതലയേറ്റു. ഇത് ആദ്യമായാണ് ഒരു സ്‌ത്രീ എക്സൈസ് വകുപ്പില്‍ നേരിട്ട് ഇന്‍സ്‌പെക്ടറായി ചുമതലയേല്‍ക്കുന്നത്. തൃശൂര്‍ ഡിവിഷണല്‍ ഓഫീസില്‍ ചൊവ്വാഴ്‌ച നടന്ന ചടങ്ങില്‍ ഡെപ്യൂട്ടി കമ്മിഷണര്‍ സജിത്ത് കുമാര്‍ സജിതയ്‌ക്ക് സത്യവാചകം ചൊല്ലിക്കൊടുത്തു. ബുധനാഴ്‌ച രാവിലെ തിരൂര്‍ എക്സൈസ് സര്‍ക്കിള്‍ ഇന്‍സ്‌പെക്ടര്‍ അന്‍വര്‍ സാദത്തില്‍ നിന്നാണ് സജിത ചുമതയേറ്റത്.
ചരിത്രം കുറിച്ച് സജിത; എക്സൈസ് വകുപ്പില്‍ ആദ്യ വനിതാ ഇന്‍സ്‌പെക്ടര്‍ ചുമതലയേറ്റു