മലപ്പുറം: അഞ്ചുവർഷമായി ചെയ്‌ത ജോലിക്ക് ശമ്പളം ലഭിക്കാത്ത അധ്യാപകരുടെ സമരം പതിനഞ്ചാം ദിവസത്തിലേക്ക് കടന്നു.2016 മുതൽ 2020 വരെ എയ്‌ഡഡ് സ്‌കൂളുകളിൽ നിയമനം നേടിയ അധ്യാപകരുടെ പ്രശ്‌നങ്ങൾക്ക് സർക്കാർ ശാശ്വത പരിഹാരം കാണണമെന്ന് ഉന്നയിച്ച് നിയമനാംഗീകാരം ലഭിക്കാത്ത അധ്യാപകരുടെ കൂട്ടായ്‌മയായ നോൺ അപ്രൂവൽ ടീച്ചേഴ്‌സ് യൂണിയൻ മലപ്പുറം കലക്‌ട്രേറ്റ് പടിക്കൽ നടത്തിവരുന്ന അനിശ്ചിതകാല ഉപവാസ സമരമാണ് 15 ദിവസം പിന്നിട്ടത്. കേരളത്തിൽ എട്ടോളം ജില്ലകളിൽ നിലവിൽ സമരത്തിലാണ് അധ്യാപകർ. സമരത്തിന്‍റെ ഭാഗമായി അധ്യാപകരുടെ നേതൃത്വത്തിൽ തെരുവ് കച്ചവടവും ആരംഭിച്ചു. തെരുവ് കച്ചവടത്തിലൂടെ നിത്യ ചെലവിനുള്ള വക കണ്ടെത്തുകയാണ് ഇന്ന് അധ്യാപകർ.
നോൺ അപ്രൂവൽ ടീച്ചേഴ്‌സ് യൂണിയൻ സമരം; തെരുവ് കച്ചവടവുമായി അധ്യാപകർ