തെരഞ്ഞെടുപ്പിൽ എൽഡിഎഫുമായി നീക്കുപോക്കില്ല: ഹമീദ് വാണിയമ്പലം

യുഡിഎഫുമായി നീക്കുപോക്കുണ്ടാക്കിയെങ്കിലും രാഷ്ട്രീയ നിലപാട് ആർക്കും അടിയറവ് വക്കില്ലെന്ന് വെൽഫെയർ പാർട്ടി അധ്യക്ഷൻ പറഞ്ഞു.

മലപ്പുറം: തദ്ദേശ തെരഞ്ഞെടുപ്പിൽ എൽഡിഎഫുമായി നീക്കുപോക്കില്ലെന്ന് വെൽഫെയർ പാർട്ടി സംസ്ഥാന അധ്യക്ഷൻ ഹമീദ് വാണിയമ്പലം. യുഡിഎഫുമായി നീക്കുപോക്കുണ്ടാക്കിയെങ്കിലും രാഷ്ട്രീയ നിലപാട് ആർക്കും അടിയറവ് വക്കില്ല. ഒരു മുന്നണിയുമായും സഖ്യമില്ലെന്നും വെൽഫെയർ പാർട്ടിയിൽ തീവ്രവാദം ആരോപിക്കുന്നവർ അവസരവാദ രാഷ്ട്രീയത്തിൻ്റെ വക്താക്കളെന്നും ഹമീദ് വാണിയമ്പലം പറഞ്ഞു.