മലപ്പുറം : 16 കിലോഗ്രാം കഞ്ചാവുമായി (Marijuana) രണ്ടുപേരെ പാണ്ടിക്കാട് പൊലീസ് (pandikkad police) പിടികൂടി. പുഴക്കാട്ടിരി മണ്ണുംകുളം സ്വദേശി ചെമ്മല സുരേഷ് (52), രാജസ്ഥാൻ സ്വദേശി (Rajasthan Native) ഉദയ് സിങ് (30) എന്നിവരെയാണ് ടൗൺ പരിസരത്ത് വച്ച് അറസ്റ്റ് ചെയ്തത്.
ആന്ധ്ര, ഒറീസ എന്നീ സംസ്ഥാനങ്ങളിൽ നിന്നും ട്രെയിൻ മാർഗം വൻതോതിൽ കഞ്ചാവ് കേരളത്തിലെത്തിക്കുന്ന മാഫിയയെക്കുറിച്ച് പൊലീസിന് വിവരം ലഭിച്ചിരുന്നു. ഇതിന്‍റെ അടിസ്ഥാനത്തില്‍ നടത്തിയ പരിശോധനയിലാണ് കാറിൽ ഒളിപ്പിച്ച് കടത്തുകയായിരുന്ന കഞ്ചാവ് പിടിച്ചത്.