ക്യാൻസർ, വൃക്ക രോഗികള്‍ക്ക് 'മദീന'യുടെ സ്‌നേഹസ്‌പര്‍ശം; സൗജന്യയാത്രയൊരുക്കി മലപ്പുറത്തൊരു ബസ്

മലപ്പുറം -പെരിന്തല്‍മണ്ണ റൂട്ടില്‍ സര്‍വീസ് നടത്തുന്ന ബസാണ് മദീന.

മലപ്പുറം:കൊവിഡ് പ്രതിസന്ധികൾക്കിടയിലും യാത്രക്കാർക്ക് കൈത്താങ്ങായി, സഹജീവി സ്നേഹത്തിൻ്റെ ഉദാത്ത മാതൃകയാവുകയാണ് മലപ്പുറത്തെ ബസുടമയും ജീവനക്കാരും. ക്യാൻസർ, വൃക്ക രോഗം എന്നിങ്ങനെ ഗുരുതര അസുഖമുള്ളവര്‍ക്ക് സൗജന്യ യാത്രയാണ്, മദീന ബസില്‍. ഇതിൻ്റെ ഭാഗമായി വാഹനത്തില്‍ സ്റ്റിക്കർ പതിപ്പിച്ചിട്ടുണ്ട്.

മലപ്പുറം- പെരിന്തല്‍മണ്ണ റൂട്ടിലാണ് ഈ ബസ്, സര്‍വീസ് നടത്തുന്നത്. 14 വർഷമായി ഇതേ റൂട്ടിലോടുന്നുണ്ടെങ്കിലും ഫെബ്രുവരി മാസം മുതലാണ് സൗജന്യ യാത്രയൊരുക്കിയത്. ബസിൽ സ്ഥിരമായി യാത്ര ചെയ്യാറുള്ള ഒരു രോഗിയുടെ കഥ ബസ് ജീവനക്കാർ ഉടമയുമായി പങ്കുവയ്‌ക്കുകയുണ്ടായി.

ALSO READ l ദുബായില്‍ ജോലി വാഗ്‌ദാനം ചെയ്‌ത് ഒന്നര ലക്ഷം തട്ടി; പ്രതി പിടിയില്‍

ഇത് പിന്നീട് മറ്റ് രോഗികൾക്കു കൂടി സൗജന്യ യാത്രയൊരുക്കുക എന്ന ആശയത്തിലേക്കെത്തുകയായിരുന്നു. കൊവിഡിനെ തുടർന്നുണ്ടായ സാമ്പത്തിക പ്രയാസത്തിന് പുറമെ രോഗം കൊണ്ടും പൊറുതിമുട്ടുന്നവര്‍ക്ക് തങ്ങളാൽ കഴിയുന്ന സഹായം നല്‍കുകയെന്നതാണ് ഉദ്ദേശിക്കുന്നതെന്ന് ബസ് ജീവനക്കാർ പറയുന്നു.