വെങ്ങാട്‌ മണ്ണിടിഞ്ഞ് അപകടം; അഞ്ച്‌ പേര്‍ക്ക് പരിക്ക്

നിര്‍മാണത്തിനിടെയാണ് മണ്ണിടിച്ചിലുണ്ടായത്. പരിക്കേറ്റവരെ വളാഞ്ചേരി സ്വകാര്യ ആശുപത്രിയിലെത്തിച്ചു.

മലപ്പുറം: കൊളത്തൂർ കുന്തിപ്പുഴയിൽ നിർമിക്കുന്ന വെങ്ങാട് കീഴ്‌മുറി മൂതിക്കയം റെഗുലേറ്റർ കം ബ്രിഡ്‌ജ്‌ നിർമാണത്തിനിടെ മണ്ണിടിഞ്ഞ് അപകടം. അഞ്ച്‌ പേര്‍ക്ക് പരിക്കേറ്റു. ഇന്ന് (ബുധനാഴ്‌ച 09.02.22) രാവിലെയാണ് സംഭവം.

പ്രദേശത്ത് മാസങ്ങളായി നിര്‍മാണ ജോലികൾ പുരോഗമിച്ച്‌ കൊണ്ടിരിക്കുകയാണ്. ഇതിനിടെയാണ് അപകടമുണ്ടായത്.

അഗ്നിശമന സേനയും പൊലീസും നാട്ടുകാരും ചേർന്നാണ് രക്ഷാ പ്രവർത്തനം നടത്തിയത്. അപകടത്തിൽ പരിക്കേറ്റവരെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.