മലപ്പുറം: അജ്ഞാതനെ പേടിച്ച് കരുളായി പ്രദേശം. ശനിയാഴ്ച്ച രാത്രി കരുളായി പഞ്ചായത്തിലെ ചെട്ടിയിൽ പാലക്കതൊടി ശങ്കരന്‍റെ മകൾ രഞ്ജുഷയുടെ കണ്ണിൽ അജ്ഞാതൻ മുളക് പൊടി വിതറുകയും അക്രമിക്കാൻ ശ്രമിക്കുകയും ചെയ്തു. ശബ്ദമുണ്ടാക്കിയതോടെ അജ്ഞാതൻ ഓടി രക്ഷപ്പട്ടു. ആളെ തിരിച്ചറിയാൻ കഴിഞ്ഞിട്ടില്ലെന്ന് രഞ്ജുഷ പറഞ്ഞു. നാട്ടുകാർ വിവരം വിളിച്ചു പറഞ്ഞതിനെ തുടർന്ന് പൊലീസ് എത്തിയെങ്കിലും അജ്ഞാതനെ തിരയുന്നതിനോ, വിവരങ്ങൾ ചോദിച്ച് അറിയുന്നതിനോ ശ്രമിച്ചില്ലെന്നും നാട്ടുകാരോട് മോശമായി പെരുമാറുകയും, 5 പേരുടെ മൊബൈൽ ഫോൺ ബലമായി പിടിച്ച് കൊണ്ട് പോകുകയും ചെയ്തെന്നും കോണ്‍ഗ്രസ് നേതാക്കള്‍ ആരോപിച്ചു. സംഭവത്തില്‍ ജില്ലാ പൊലീസ് മേധാവിക്ക് കരുളായി മണ്ഡലം കോൺഗ്രസ് കമ്മിറ്റി പരാതി നൽകി.
ബ്ലാക്ക്മാൻ പേടിയിൽ കരുളായിയും, പൂക്കോട്ടും പാടവും