പ്രളയ ദുരിതാശ്വാസം; 27.05 കോടി രൂപ ധനസഹായം നൽകി

പ്രളയത്തിലും ഉരുൾപൊട്ടലിലുമായി മരിച്ച 71 പേരിൽ 62 പേരുടെ കുടുംബത്തിന് നാല് ലക്ഷം രൂപ വീതം ധനസഹായം നൽകി.

മലപ്പുറം: ജില്ലയിലെ പ്രളയ ദുരിതാശ്വാസ സഹായവിതരണം അടുത്ത ഘട്ടത്തിലേക്ക്. പ്രളയ ബാധിതർക്ക് ഒരു ലക്ഷം രൂപ വീതം 27.5 കോടി രൂപ അടിയന്തര സഹായ വിതരണം ചെയ്തതായി കളക്ടർ ജാഫർ മാലിക് അറിയിച്ചു. പ്രളയത്തിലും ഉരുൾപൊട്ടലിലുമായി മരിച്ച 71 പേരിൽ 62 പേരുടെ കുടുംബത്തിന് നാല് ലക്ഷം രൂപ വീതം ധനസഹായം നൽകി. ശേഷിക്കുന്ന ഒമ്പത് പേരുടെ ആശ്രിതർക്ക് ധനസഹായ വിതരണം ചെയ്യാൻ നിയമപരമായ നടപടിക്രമങ്ങൾ പുരോഗമിക്കുകയാണ്. പൂർണ്ണമായും ഭാഗികമായും വീട് തകർന്നവർക്ക് ധനസഹായം വിതരണം ഉടൻ ആരംഭിക്കും. വീട് നഷ്ടപ്പെട്ട കോളനി നിവാസികളെ പുനരധിവസിപ്പിക്കാൻ സ്ഥലം കണ്ടെത്താനും വീട് നിർമിക്കാനുമുള്ള നടപടികൾ പുരോഗമിക്കുന്നതായും കലക്ടർ അറിയിച്ചു.