ക്രിക്കറ്റ് ഹെയർസ്റ്റയിൽ എടരിക്കോട്ടേക്ക് വരൂ

കളി കമ്പക്കാരുടെ ഇഷ്ടത്തിനനുസരിച്ചാണ് പ്രവർത്തനം

മലപ്പുറം : ലോകകപ്പ് ക്രിക്കറ്റ് പുരോഗമിക്കുമ്പോൾ മലപ്പുറത്തെ എടരിക്കോട് ഇന്ത്യൻ താരങ്ങളുടെ ഹെയര്‍ സ്റ്റൈലുമായി ഒരു കൂട്ടം ആരാധകർ. വിരാട് കോലിയുടെയോ എംഎസ് ധോണിയുടെയോ ആരുടെ ഹെയർസ്റ്റയിൽ വേണമെങ്കിലും എടരിക്കോട് നൈസ് ബ്യൂട്ടിപാർലറിൽ സജ്ജമാണ്. ഇവിടെയെത്തിയാൽ കളിയും കാണാം പ്രിയ താരത്തിന്‍റെ മൊഞ്ചോടു കൂടിയും തിരിച്ചു പോകാം. ഏത് മോഡൽ ആണെന്ന് കാണിച്ചു കൊടുത്താൽ മാത്രം മതി. കൂടുതൽ പേർക്കും കോലിയുടെ സ്റ്റയിലിനോടാണ് പ്രിയം. നായകൻ കോലി, ധോണി, പാണ്ഡ്യ, ബുംറ തുടങ്ങീ താരങ്ങളുടെ കൂറ്റൻ സ്റ്റിക്കറുകൾ കൊണ്ട് അലങ്കരിച്ചാണ് ഉടമ ലോകകപ്പ് ക്രിക്കറ്റിനെ ആവേശമാക്കുന്നത്. തീർന്നില്ല ഇന്ത്യൻ ജഴ്സിയണിഞ്ഞാണ് ജീവനക്കാർ ഇവിടെ ജോലി ചെയ്യുന്നതും. കളി കമ്പക്കാരുടെ ഇഷ്ടത്തിനനുസരിച്ചാണ് പ്രവർത്തനം. എടരിക്കോട് തയ്യിൽ മാനു ഷീരീഫിന്‍റേതാണ് സ്ഥാപനം.