മലപ്പുറം: എടക്കര-പാലേമാട് റോഡ് ബിഎം ആന്‍ഡ് ബിസി നിലവാരത്തിലേക്ക് ഉയര്‍ത്തുന്ന പുനരുദ്ധാരണ പദ്ധതി ഇഴയുന്നു. എടക്കരയില്‍ നിന്നും പാലേമാട് വരെയുള്ള 5.3 കിലോമീറ്റര്‍ ദൂരത്തിലുള്ള റോഡ് പുനരുദ്ധാരണ പദ്ധതിയാണ്‌ എങ്ങുമെത്താത്തത്. കഴിഞ്ഞ വര്‍ഷം ജൂലൈ 14ന് പൊതുമരാമത്ത് മന്ത്രി ജി സുധാകരന്‍ ഉദ്ഘാടനം ചെയ്ത റോഡിന്‍റെ നിര്‍മാണ പ്രവര്‍ത്തനങ്ങള്‍ 40 ശതമാനത്തോളം മാത്രമാണ് ഇതുവരെ പൂര്‍ത്തിയാക്കിയത്. ഉദ്ഘാടന പരിപാടിക്ക് മുമ്പ് നിര്‍മാണം തുടങ്ങിയിരുന്നെങ്കിലും ഇപ്പോള്‍ നിലച്ച മട്ടാണ്. ഇതിന് ശേഷം മാസങ്ങള്‍ കഴിഞ്ഞ് നിര്‍മാണം ആരംഭിച്ച പാലേമാട് മുതല്‍ മുണ്ടപ്പൊട്ടി വരെയുള്ള ഭാഗത്തെ രണ്ടാംഘട്ട റോഡ് നിര്‍മാണം പൂര്‍ത്തിയായിട്ട് ഒരുമാസത്തിലേറെയായി.
എടക്കര-പാലേമാട് റോഡ് ബിഎം ആന്‍ഡ് ബിസി നിലവാരത്തിലേക്ക് ഉയര്‍ത്തുന്ന പുനരുദ്ധാരണ പ്രവര്‍ത്തി ഇഴയുന്നു