video: ഓടിക്കൊണ്ടിരുന്ന കാറിന് തീപിടിച്ചു; എടവണ്ണയില്‍ അപകടം ഒഴിവായത് തലനാരിഴയ്ക്ക്

തീപിടിത്തത്തിന് കാരണം വാഹനത്തിലുണ്ടായ ഷോര്‍ട്ട് സര്‍ക്യൂട്ടെന്ന് പ്രാഥമിക നിഗമനം.

മലപ്പുറം:എടവണ്ണയില്‍ ഓടിക്കൊണ്ടിരുന്ന കാറിന് തീ പിടിച്ചു. മമ്പാട് സ്വദേശിയുടെ കാറിനാണ് തീപിടിച്ചത്. എടവണ്ണ ബസ്‌ സ്റ്റാന്‍റിന് സമീപം ഇന്ന് (ആഗസ്റ്റ് 5) മൂന്നരയോടെയാണ് സംഭവം.

നിലമ്പൂര്‍ ഭാഗത്ത് നിന്ന് വരികയായിരുന്ന കാറില്‍ പെട്ടെന്നാണ് തീ പടര്‍ന്നത്. പുകയുരുന്നത് ശ്രദ്ധയില്‍പ്പെട്ടതോടെ ഡ്രൈവര്‍ കാര്‍ നിര്‍ത്തുകയായിരുന്നു. ഡ്രൈവര്‍ മാത്രമാണ് കാറിലുണ്ടായിരുന്നത്.

നാട്ടുകാരും, പൊലീസും, ഇ.ആര്‍.എഫ് പ്രവര്‍ത്തകരും ചേര്‍ന്ന് തീ അണച്ചു. വാഹനത്തിന് കാര്യമായ കേടുപാടുകള്‍ സംഭവിച്ചിട്ടില്ല. ഷോർട്ട് സർക്യൂട്ടാണ് തീപിടിത്തത്തിന് കാരണമായതെന്നാണ് ലഭിക്കുന്ന വിവരം.