'നാര്‍ക്കോട്ടിക് ജിഹാദ്' ; സര്‍ക്കാരാണ് സര്‍വകക്ഷി യോഗം വിളിക്കേണ്ടതെന്ന് കെ.സുരേന്ദ്രന്‍

യുഡിഎഫും എൽഡിഎഫും ലൗ ജിഹാദ് വിഷയത്തിൽ രാഷ്‌ട്രീയ മുതലെടുപ്പ് നടത്തിയെന്ന് കെ സുരേന്ദ്രൻ

മലപ്പുറം :കെ പി സി സി പ്രസിഡന്‍റ് കെ.സുധാകരന് പകരം മുഖ്യമന്ത്രി പിണറായി വിജയൻ സർവകക്ഷി യോഗം വിളിക്കണമെന്ന് ബിജെപി സംസ്ഥാന അധ്യക്ഷന്‍ കെ.സുരേന്ദ്രൻ. പാലാ ബിഷപ്പ് ഉന്നയിച്ച വിഷയങ്ങൾ തമസ്‌കരിക്കാനാണ് കോൺഗ്രസും സിപിഎമ്മും ശ്രമിക്കുന്നതെന്ന് കെ.സുരേന്ദ്രൻ തിരൂരിൽ മാധ്യമങ്ങളോട് പറഞ്ഞു.

ലൗ ജിഹാദ് വിഷയത്തിൽ യുഡിഎഫും എൽഡിഎഫും രാഷ്‌ട്രീയ മുതലെടുപ്പാണ് നടത്തിയത്. ആര് പറഞ്ഞുവെന്നതല്ല, പ്രശ്‌നം ആണ് ചർച്ച ചെയ്യേണ്ടതെന്നും ബിജെപി എരിതീയിൽ എണ്ണ ഒഴിച്ചിട്ടില്ലെന്നും സുരേന്ദ്രൻ കൂട്ടിച്ചേര്‍ത്തു.