മലപ്പുറം: നിലമ്പൂരില്‍ കാല്‍നടയാത്രക്കാരിയെ ആക്രമിക്കാന്‍ ശ്രമം. ഒരാള്‍ അറസ്റ്റില്‍. കാരാട് പാലാ മഠം സ്വദേശിയായ പ്രജീഷാണ് (34) അറസ്റ്റിലായത്.
വ്യാഴാഴ്‌ച(ഓഗസ്റ്റ്18) രാവിലെ പത്ത് മണിയോടെ നിലമ്പൂര്‍ റയില്‍വേ സ്റ്റേഷന്‍ സമീപത്താണ് സംഭവം. ബസില്‍ നിന്നിറങ്ങി നടന്ന് പോകുന്നതിനിടെ യുവതിയെ ബൈക്കില്‍ പിന്‍തുടര്‍ന്ന യുവാവ് ആളില്ലാത്ത സ്ഥലത്തെത്തിയപ്പോള്‍ കയറി പിടിക്കുകയായിരുന്നു. തുടര്‍ന്ന് രക്ഷപ്പെടാന്‍ ശ്രമിച്ച ഇയാളെ അതുവഴിയെത്തിയ ബൈക്ക് യാത്രക്കാര്‍ പിടികൂടി പൊലീസില്‍ ഏല്‍പ്പിച്ചു.