മലപ്പുറം: ഭാരതപ്പുഴയില്‍ കുളിക്കാനിറങ്ങിയ കുട്ടി മുങ്ങി മരിച്ചു. പാഴൂർപുത്തൻ പിടിയേക്കൽ സൈനുദ്ദീന്‍റെ മകൻ മുഹമ്മദ് സനൂപ് (12) ആണ് കുറ്റിപ്പുറം ചെമ്പിക്കല്‍ ഭാഗത്ത് കുളിക്കുന്നതിനിടെ മുങ്ങി മരിച്ചത്. വ്യാഴാഴ്‌ച വൈകുന്നേരം 4 മണിയോടെയാണ് അപകടം.
ഭാരതപ്പുഴയില്‍ കുളിക്കാനിറങ്ങിയ 12 കാരന്‍ മുങ്ങി മരിച്ചു
ചെമ്പിക്കല്‍ ഭാഗത്ത് കുളിക്കുന്നതിനിടെ മുങ്ങി മരിക്കുകയായിരുന്നു. ഇന്നലെ വൈകുന്നേരം 4 മണിയോടെയാണ് അപകടം
കുളിക്കാനിറങ്ങിയ കുട്ടി മുങ്ങി മരിച്ചു
ബന്ധുവായ ഒരു കുട്ടിക്കൊപ്പമാണ് മുഹമ്മദ് സനൂപ് കുളിക്കാനെത്തിയത്. കുളിക്കുന്നതിനിടെ വെള്ളത്തില്‍ താഴ്ന്നു പോവുകയായിരുന്നു. ഒപ്പമുണ്ടായിരുന്ന കുട്ടി അറിയിച്ചതിനെ തുടര്‍ന്ന് നാട്ടുകാര്‍ ഓടിയെത്തി നടത്തിയ തെരച്ചിലിലാണ് സനൂപിനെ കിട്ടിയത്. തൊട്ടടുത്തുള്ള അമാന ഹോസ്‌പിറ്റലില്‍ എത്തിച്ചെങ്കിലും മരണം സംഭവിക്കുകയായിരുന്നു.
പാഴൂര്‍ എ യു പി സ്‌കൂളിലെ ഏഴാം ക്ലാസ് വിദ്യാര്‍ഥിയായിരുന്നു മുഹമ്മദ് സനൂപ്. മൃതദേഹം തിരൂർ ജില്ല ആശുപത്രിയിലെ മോർച്ചറിയിലേക്ക് മാറ്റി. മാതാവ്- ആയിഷ. സഹോദരങ്ങൾ- സൈഫുദ്ദീന്‍, ജുമൈലത്ത്.