മാവോയിസ്റ്റ് റെയ്ഡിനിടെ എസ് ഐയ്ക്ക് പാമ്പ് കടിയേറ്റു - മാവോയിസ്റ്റ്
വിലങ്ങാട് പന്നിയേരി കോളനിക്ക് സമീപം വനത്തില്‍ വെച്ചാണ് സംഭവം.
മാവോയിസ്റ്റ് റെയഡിനിടെ എസ് ഐയ്ക്ക് പാമ്പ് കടിയേറ്റു
കോഴിക്കോട്:മാവോയിസ്റ്റ് റെയ്ഡിനിടെ എസ് ഐക്ക് പാമ്പ് കടിയേറ്റു. കേരള ആന്‍റി ടെററിസ്‌റ്റ് സ്‌ക്വാഡിലെ എസ് ഐ ശ്രീധരനാണ് പാമ്പ് കടിയേറ്റത്. ശനിയാഴ്ച്ച രാവിലെ കണ്ണവം വനമേഖലയോട് ചേര്‍ന്ന് കിടക്കുന്ന വിലങ്ങാട് പന്നിയേരി കോളനിക്ക് സമീപം വനത്തില്‍ വെച്ചാണ് സംഭവം. റെയ്ഡിനിടെ മരത്തിന്‍റെ ചില്ലകള്‍ക്കിടയിലുണ്ടായിരുന്ന അണലി വര്‍ഗത്തില്‍ പെട്ട പാമ്പ് എസ് ഐയുടെ തലയ്ക്ക് കടിക്കുകയായിരുന്നു. പരിക്കേറ്റ എസ് ഐ യെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. എസ് ഐ അപകട നില തരണം ചെയ്‌തതായി ആശുപത്രി അധികൃതര്‍ അറിയിച്ചു.