അന്താരാഷ്ട്ര കരകൗശല മേളക്ക് തുടക്കമായി
കോഴിക്കോട്:ലോകമെമ്പാടുമുള്ള പരമ്പരാഗത കലാകാരന്മാരുടെ കലാവിരുതുകള്‍ ഒരു കുടക്കീഴിലെത്തിച്ച് വിസ്‌മയമൊരുക്കിയിരിക്കുകയാണ് ഇരിങ്ങൽ സർഗാലയ ക്രാഫ്റ്റ് വില്ലേജിലെ കരകൗശല മേള. നേപ്പാൾ, ശ്രീലങ്ക, ബംഗ്ലാദേശ്, ജോര്‍ദാന്‍, കിര്‍ഗിസ്ഥാന്‍, സിറിയ, താജിക്കിസ്ഥാന്‍, തായ്‌ലന്‍ഡ്, ഉസ്ബെക്കിസ്ഥാന്‍, ലെബനന്‍ തുടങ്ങി നിരവധി രാജ്യങ്ങളില്‍ നിന്നുള്ള കരകൗശല വിദഗ്‌ധരാണ് 10-ാമത് അന്താരാഷ്ട്ര മേളയില്‍ പങ്കെടുക്കാനെത്തിയത്. കൂടാതെ ഇന്ത്യയിലെ 20 സംസ്ഥാനങ്ങളില്‍ നിന്നും 500ലധികം കരകൗശല വിദഗ്‌ധര്‍ മേളയുടെ ഭാഗമായിട്ടുണ്ട്.