പേരാമ്പ്രയില്‍ ഓട്ടോ തൊഴിലാളികളുടെ പ്രതിഷേധം

ഓട്ടോ കോർഡിനേഷൻ കമ്മിറ്റി പ്രതിഷേധ കൺവെൻഷൻ സംഘടിപ്പിച്ചു

പേരാമ്പ്ര: റോഡിന്‍റെ ശോചനീയവസ്ഥയില്‍ പ്രതിഷേധിച്ച് ഓട്ടോ കോർഡിനേഷൻ കമ്മിറ്റി പ്രതിഷേധ കൺവെൻഷൻ സംഘടിപ്പിച്ചു. കോഴിക്കോട് പേരാമ്പ്ര മുയിപ്പോത്ത് പാലച്ചുവട്- മുയിപ്പോത്ത് മണപ്പുറം മുക്ക് റോഡുകളുടെ ശോചനീയവസ്ഥ പരിഹരിക്കാൻ അധികൃതർ തയാറാകാത്തതിൽ പ്രതിഷേധിച്ചാണ് കൺവെൻഷൻ സംഘടിപ്പിച്ചത്. എത്രയും പെട്ടെന്ന് റോഡിന്‍റെ ശോചനീയവസ്ഥ പരിഹരിച്ചില്ലെങ്കിൽ ഗതാഗതം നിർത്തിവെക്കാൻ കമ്മിറ്റി തീരുമാനിച്ചു.