കോഴിക്കോട്: കീരിയും ഗഫൂറും തമ്മിലുള്ള സൗഹൃദക്കാഴ്‌ച താമരശ്ശേരിക്കാര്‍ക്ക് കൗതുകമാവുകയാണ്. വ്യാപാരിയായ 'പീവ' എന്ന വിളിപ്പേരിൽ അറിയപ്പെടുന്ന അബ്ദുല്‍ ഗഫൂറിന്റെ കളിത്തോഴനാണ് ഈ കീരി. ഊണിലും ഉറക്കത്തിലുമെല്ലാം ഇത് ഒപ്പമുണ്ട്. ടൗണിലേക്ക് ഇറങ്ങിയാലും കീരി കൂട്ടിനുണ്ടാകും. ആള്‍ക്കൂട്ടത്തിനിടയിലൂടെ അവര്‍ നടന്നുനീങ്ങുമ്പോള്‍ ചിലര്‍ അകലംപാലിക്കും. ചിലർ സ്നേഹം പ്രകടിപ്പിക്കും.
ഊണിലും ഉറക്കത്തിലും പിന്നെ പുറത്തേക്കിറങ്ങിയാലും ഒപ്പം ; കീരിയും ഗഫൂറും തമ്മില്‍ ദൃഢസൗഹൃദം
അത്തരത്തില്‍ 'പീവ'യെ വിട്ടൊരു കളി കീരിക്കില്ല. രണ്ടര മാസമായി ഈ കൂട്ട് തുടങ്ങിയിട്ട്. മൂന്ന് കീരിക്കുഞ്ഞുങ്ങളാണ് വീട്ടുമുറ്റത്ത് എത്തിയത്. രണ്ടെണ്ണം ചത്തു. അപ്പോഴാണ് മൂന്നാമത്തേതിനെ വീട്ടുകാര്‍ കൈയിലെടുത്ത് വെള്ളവും ഭക്ഷണവും നല്‍കിയത്. ദിവസങ്ങള്‍ക്കകം കീരി വീട്ടുകാരുമായി ഇണങ്ങി. പിന്നെ ഊണും ഉറക്കവും കളിയുമെല്ലാം ഇവര്‍ക്കൊപ്പമാണ്.