കോഴിക്കോട്: മാവൂരിന്‍റെ മുഖഛായ മാറ്റുന്ന ഗ്രാമ പഞ്ചായത്ത് ഓഫിസ് സമുച്ചയം, ഷോപ്പിങ് കോംപ്ലക്സ്, കൺവെൻഷൻ സെന്‍റര്‍ എന്നിവയുടെ ഉദ്ഘാടനവും ഐ.എസ്.ഒ പ്രഖ്യാപനവും നവംബർ 30ന് നടക്കുമെന്ന് ഗ്രാമപഞ്ചായത്ത് അധികൃതർ വാർത്താസമ്മേളനത്തിൽ അറിയിച്ചു. രാവിലെ 10ന് തദ്ദേശ സ്വയംഭരണ മന്ത്രി എ.സി. മൊയ്തീനാണ് പഞ്ചായത്ത് ഓഫിസ് കം ഷോപ്പിങ് കോംപ്ലക്സിന്‍റെ ഉദ്ഘാടനം നിർവഹിക്കുക. കൺവെൻഷൻ സെന്‍റർ പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്യും. ഗ്രാമപഞ്ചായത്തിനുള്ള ഐ.എസ്.ഒ സർട്ടിഫിക്കേഷൻ പ്രഖ്യാപനം പ്രതിപക്ഷ ഉപനേതാവ് എം കെ മുനീർ എം.എൽ.എ നിർവഹിക്കും. മുൻകാല ജനപ്രതിനിധികളെ എം.കെ. രാഘവൻ എം.പി ആദരിക്കും.
മാവൂർ ഷോപ്പിങ് കോംപ്ലക്സ്-ഓഫിസ് സമുച്ചയവും കൺവെൻഷൻ സെന്‍ററും നവംബർ 30ന് ഉദ്ഘാടനം ചെയ്യും
രാവിലെ 10ന് തദ്ദേശ സ്വയംഭരണ മന്ത്രി എ.സി. മൊയ്തീനാണ് പഞ്ചായത്ത് ഓഫിസ് കം ഷോപ്പിങ് കോംപ്ലക്സിന്‍റെ ഉദ്ഘാടനം നിർവഹിക്കുന്നത്.
മാവൂർ ഷോപ്പിങ് കോംപ്ലക്സ്-ഓഫിസ് സമുച്ചയവും കൺവെൻഷൻ സെന്‍ററും നവംബർ 30ന് ഉദ്ഘാടനം ചെയ്യും
പി.ടി.എ. റഹീം എം.എൽ.എ അധ്യക്ഷത വഹിക്കും. എം.പിമാരായ ഇ.ടി. മുഹമ്മദ് ബഷീർ, എളമരം കരീം, രമ്യ ഹരിദാസ് എന്നിവർ മുഖ്യാതിഥികളാകും. ജനപ്രതിനിധികളും സാംസ്കാരിക സാമൂഹിക രാഷ്ട്രീയ രംഗത്തെ പ്രമുഖരും സംബന്ധിക്കും. വൈകുന്നേരം ആറിന് ഗാനമേളയും വിവിധ കലാപരിപാടികളും നടക്കും. 6.5 കോടി രൂപ ചെലവിട്ടാണ് പദ്ധതി പൂര്‍ത്തിയാക്കിയിരിക്കുന്നത്.
TAGGED:
Mavoor shopping complex