സംസ്ഥാന സ്‌കൂൾ കലോത്സവം: കോടതി ഉത്തരവിലൂടെ പങ്കെടുക്കാനെത്തിയവരുടെ ഫലം തടഞ്ഞു

കോടതി ഉത്തരവ് വഴി സംസ്ഥാന സ്‌കൂൾ കലോത്സവത്തിൽ പങ്കെടുക്കാനെത്തിയവരുടെ ഫലം കലോത്സവ സംഘാടകർ തടഞ്ഞു

കോഴിക്കോട്:സംസ്ഥാന സ്‌കൂൾ കലോത്സവത്തിൽ കോടതി ഉത്തരവ് വഴി പങ്കെടുക്കാനെത്തിയവരുടെ ഫലം തടഞ്ഞു. 94 മത്സരഫലങ്ങളാണ് കലോത്സവ സംഘാടകർ തടഞ്ഞത്. ഹൈക്കോടതി നിർദേശപ്രകാരമാണ് ഈ തീരുമാനമെന്ന് സംഘാടകർ അറിയിച്ചു.

ഇവരുടെ ഫലം പ്രഖ്യാപിച്ചാലും അത് ജില്ലകളുടെയോ സ്‌കൂളിന്‍റെയോ പോയിന്‍റിൽ ഉൾപ്പെടില്ല. ഇക്കാര്യത്തിൽ എജിയുടെ നിയമോപദേശം ഉണ്ടെന്ന് വ്യക്തമാക്കിയ സംഘാടകർ, ഗ്രേസ് മാർക്കിനും കോടതി ഇടപെടൽ വേണമെന്ന് പറയുന്നു.

അതേസമയം വിദ്യാഭ്യാസ വകുപ്പ് വഴി വന്ന അപ്പീലുകൾക്ക് ഈ തടസമില്ല. ഇതാദ്യമായാണ് കോടതി ഉത്തരവ് വഴി വന്ന അപ്പീലുകളിൽ ഫലം തടഞ്ഞത്.