കോഴിക്കോട് :കൊവിഡ് നിയന്ത്രണ പ്രവര്‍ത്തനങ്ങളില്‍ കേരള സര്‍ക്കാരിന്‍റേത് വന്‍ കെടുകാര്യസ്ഥതയെന്ന് ബി.ജെ.പി ദേശീയ അധ്യക്ഷന്‍ ജെ.പി നദ്ദ.
കൊവിഡ് മഹാമാരിയെ പിടിച്ചുകെട്ടാന്‍ സംസ്ഥാന സർക്കാർ പങ്കുവഹിച്ചിട്ടില്ല. കേരളത്തിൽ ഏകദേശം 20,000 കേസുകളാണ് പ്രതിദിനം റിപ്പോര്‍ട്ട് ചെയ്യുന്നതെന്നും അദ്ദേഹം കുറ്റപ്പെടുത്തി.
നിലവില്‍, 1.08 ലക്ഷം കേസുകളാണ് സംസ്ഥാനത്തുള്ളത്. രാജ്യത്തെ ആകെ കൊവിഡ് കേസുകളില്‍ ഏകദേശം 50 ശതമാനവും കേരളത്തിലാണ് റിപ്പോര്‍ട്ട് ചെയ്യുന്നത്. കൊവിഡ് പ്രതിരോധത്തില്‍ കേരളത്തിന്‍റേത് തെറ്റായ മാതൃകയാണെന്നും ജെ.പി നദ്ദ പറഞ്ഞു.
കൊവിഡ് പ്രതിരോധത്തില്‍ കേരള സര്‍ക്കാരിന്‍റേത് കെടുകാര്യസ്ഥത, തെറ്റായ മാതൃക : ജെ.പി നദ്ദ