കോഴിക്കോട് : കനത്ത മഴയിലും കാറ്റിലും ജില്ലയുടെ വിവിധ പ്രദേശങ്ങളിൽ നാശനഷ്‌ടം. താമരശേരി ചുങ്കത്ത് ശക്തമായ കാറ്റിലും മഴയിലും വീടിന് മുകളിലേക്ക് മരം വീണ് മേൽക്കൂര തകർന്നു. പനംതോട്ടത്തിൽ ടി.പി സുബൈറിന്‍റെ വീടാണ് തകർന്നത്.
രാവിലെ 8.30ഓടെ ആയിരുന്നു അപകടം. ശക്തമായ കാറ്റിൽ കോവൂരിൽ വീടിൻ്റെ മേൽക്കൂര പറന്നുപോയി. കുറ്റ്യാടി മരുതോങ്കര ഭാഗത്ത് നിരവധി മരങ്ങൾ കടപുഴകി വീണു. ജലനിരപ്പ് ഉയർന്നതോടെ കക്കയം ഡാമിൻ്റെ രണ്ട് ഷട്ടറുകളും രണ്ടരയടി ഉയർത്തി. സെക്കൻ്റിൽ 65 ക്യൂബിക്‌സ് മീറ്റർ വെള്ളമാണ് പുറത്തേക്ക് ഒഴുക്കുന്നത്.
കോഴിക്കോട് വിവിധ പ്രദേശങ്ങളിൽ നാശം വിതച്ച് മഴ