കോഴിക്കോട്: ആനയാംകുന്ന് ഗവൺമെന്‍റ് ഹയർസെക്കൻഡറി സ്കൂളില്‍ പടര്‍ന്നു പിടിച്ച പനി എച്ച്‍വണ്‍എന്‍വണ്‍ ആണെന്ന് സ്ഥിരീകരിച്ച് ആരോഗ്യ വകുപ്പ്. മണിപ്പാൽ വൈറോളജി ഇൻസ്റ്റിറ്റ്യൂട്ടിലെ പരിശോധന രക്ത സാമ്പിളുകളുടെ പരിശോധനയിലാണ് പനി എച്ച്‍വണ്‍എന്‍വൺ ആണെന്ന് സ്ഥിരീകരിച്ചത്. കഴിഞ്ഞ വെള്ളിയാഴ്ചയാണ് സ്കൂളിലെ 42 കുട്ടികൾക്ക് പനി റിപ്പോർട്ട് ചെയ്തത്. അഞ്ച് ദിവസത്തിനിടെ 150 കുട്ടികൾക്കും 15 അധ്യാപകർക്കും പനി കണ്ടെത്തുകയായിരുന്നു. തൊട്ടടുത്ത ആനയാംകുന്ന് ഗവ. എൽ.പി സ്കൂൾ വിദ്യാർഥികൾക്കും പനി റിപ്പോർട്ട് ചെയ്ത സാഹചര്യത്തിൽ എൽ.പി.സ്കൂളിന് രണ്ട് ദിവസം അവധി നൽകാൻ തീരുമാനിച്ചിട്ടുണ്ട്. ഹയര്‍സെക്കണ്ടറി സ്കൂളിന് നേരത്തെ തന്നെ വെള്ളിയാഴ്ച വരെ അവധി നല്‍കിയിരുന്നു.
ആനയാംകുന്ന് സ്കൂളില്‍ എച്ച്‍വണ്‍ എന്‍വണ്‍ സ്ഥിരീകരിച്ചു; പരിശോധനാ ഫലം പുറത്ത്