ചാരായവുമായി ചമൽ സ്വദേശി പിടിയിൽ: പിടികൂടിയത് അഞ്ച് ലിറ്റർ ചാരായം

താമരശ്ശേരി എക്‌സൈസ് ചമൽ ഭാഗത്ത് നടത്തിയ റെയ്‌ഡിൽ ബൈജു സന്തോഷ്(34) ആണ് പിടിയിലായത്

കോഴിക്കോട്: അഞ്ച് ലിറ്റർ ചാരായവുമായി ചമൽ സ്വദേശി പിടിയിൽ. താമരശ്ശേരി എക്‌സൈസ് ചമൽ ഭാഗത്ത് നടത്തിയ റെയ്‌ഡിൽ ബൈജു സന്തോഷ്(34) ആണ് പിടിയിലായത്. താമരശ്ശേരി എക്‌സൈസ് സർക്കിൾ ഇൻസ്പെക്‌ടർ പി ആർ ലാലിന്‍റെ നേതൃത്വത്തിലുള്ള സംഘമാണ് റെയ്‌ഡ്‌ നടത്തിയത്.

പ്രതിയെ 14 ദിവസത്തേക്ക് റിമാൻഡ് ചെയ്‌തു. ഐ ബി പ്രിവന്‍റീവ് ഓഫിസർ ചന്ദ്രൻ കുഴിച്ചാലിൽ, പ്രിവന്‍റിവ് ഓഫിസർമാരായ റഫീഖ്, സുരേഷ് ബാബു, സി ഇ മാരായ പ്രദീപ്, സുജീഷ്, ഡ്രൈവർ രാജൻ എന്നിവരും റെയ്‌ഡ് നടത്തിയ സംഘത്തിലുണ്ടായിരുന്നു.