കോഴിക്കോട്: മുക്കത്ത് ഓട്ടോയാത്രക്കാരിയായ വയോധികയെ പീഡിപ്പിക്കുകയും ആഭരണങ്ങള്‍ കവരുകയും ചെയ്ത കേസിലെ പ്രതി പിടിയിൽ. കോഴിക്കോട് ചേവരമ്പലത്ത് താമസിക്കുന്ന മലപ്പുറം കൊണ്ടോട്ടി ചെറുപറമ്പ് സ്വദേശി മുജീബ് റഹ്മാനാണ് (45) പിടിയിലായത്. നിരവധി ക്രിമിനല്‍ കേസുകളില്‍ പ്രതിയായ മുജീബ് പൊലീസിന്‍റെ ശാസ്ത്രീയ അന്വേഷണത്തിലാണ് ഓമശേരിയില്‍ വെച്ച് പിടിയിലായത്. സമാന സ്വഭാവമുള്ള കേസുകളില്‍ മുമ്പ് പ്രതികളായവരുടെ പട്ടിക തയ്യാറാക്കി വിശദ അന്വേഷണം നടത്തുകയായിരുന്നുവെന്ന് റൂറല്‍ എസ്.പി ശ്രീനിവാസ് വാര്‍ത്താ സമ്മേളനത്തില്‍ അറിയിച്ചു.
വയോധികയെ പീഡിപ്പിച്ച ഓട്ടോഡ്രൈവർ പിടിയിൽ