കോഴിക്കോട്: വിഭജന ദിനമായി ആചരിക്കണമെന്ന പ്രധാനമന്ത്രി നരേന്ദ്ര മോദിയുടെ ആഹ്വാനത്തിൽ പ്രതിഷേധിച്ച് ഓഗസ്റ്റ് 14ന് രാത്രി തന്നെ സ്വാതന്ത്ര്യ ദിനാഘോഷങ്ങൾക്ക് തുടക്കം കുറിച്ച് കോഴിക്കോട് കാരശേരി പ്രിയദർശിനി സ്റ്റഡി സെൻ്റർ. 'ഫ്രീഡം അറ്റ് മിഡ് നൈറ്റ്' എന്ന മുദ്രാവാക്യമുയർത്തിപ്പിടിച്ചാണ് പരിപാടി സംഘടിപ്പിച്ചത്.
പ്രിയദർശിനി ഓഡിറ്റോറിയത്തിലാണ് പരിപാടി സംഘടിപ്പിച്ചത്. രാത്രി ഏഴ് മണിക്ക് ആരംഭിച്ച പരിപാടികൾ 12 മണി വരെ നീണ്ടു. സാധാരണ നിലയിൽ സ്വാതന്ത്ര്യ ദിനാഘോഷ പരിപാടികൾ ഓഗസ്റ്റ് 15ന് രാവിലെ മുതൽ കാണുകയും സംഘടിപ്പിക്കുകയും ചെയ്യുന്ന രാജ്യത്തെ ജനങ്ങൾക്ക് പുതിയ അനുഭവം കൂടിയായിരുന്നു ആഘോഷ പരിപാടികൾ.