മലബാറില്‍ അടുത്ത രണ്ടു ദിവസം അതിശക്തമായ മഴ

വരുന്ന 48 മണിക്കൂറിൽ കോഴിക്കോട് അതിശക്തമായ മഴയും കാറ്റുമെന്ന് കാലാവസ്ഥാ നിരീക്ഷകര്‍. അടിയന്തര സാഹചര്യം നേരിടാന്‍ നിര്‍ദേശം.

കോഴിക്കോട്: രണ്ടു ദിവസത്തെ ഇടവേളയ്ക്ക് ശേഷം കോഴിക്കോട് ജില്ലയിൽ വീണ്ടും മഴ ശക്തമാകുന്നു. തുലാവർഷാരംഭത്തിൽ ജില്ലയിൽ ശക്തമായ മഴ ലഭിച്ചിരുന്നെങ്കിലും രണ്ടു ദിവസമായി രാത്രിയിൽ ചെറിയ തോതിലാണ് മഴ ലഭിച്ചിരുന്നത്. എന്നാൽ ഇന്ന് വൈകിട്ട് 5.50 ഓടെ നഗരത്തിൽ ശക്തമായ മഴയാണ് ലഭിച്ചത്. 30 മിനിറ്റോളം പെയ്ത ശക്തമായ മഴയിൽ നഗരം വെള്ളക്കെട്ടിലായി.

വരുന്ന 48 മണിക്കൂറിൽ ജില്ലയിലടക്കം ശക്തമായ മഴയും കാറ്റുമാണ് കാലാവസ്ഥ നിരീക്ഷകർ പ്രവചിക്കുന്നത്. മഴ ശക്തമായാൽ അടിയന്തര സാഹചര്യം നേരിടാൻ ഉദ്യോഗസ്ഥർക്ക് ജില്ലാ ഭരണകൂടം നിർദേശം നൽകിയിട്ടുണ്ട്.