പുറക്കാട്ടിരി പാലത്തില്‍ ബസിടിച്ച് യുവാക്കള്‍ക്ക് ഗുരുതര പരിക്ക്

കുറ്റ്യാ ടി കോഴിക്കോട് റൂട്ടിൽ ഓടുന്ന കെ.എൽ 59 എ 1314 ബസാണ് കാറിനെ മറികടക്കുന്നതിനിടയിൽ ബൈക്ക് ഇടിച്ച് തെറിപ്പിച്ചത്.

കോഴിക്കോട്:പുറക്കാട്ടിരി പാലത്തില്‍ അമിത വേഗതയിലെത്തിയ സ്വകാര്യ ബസ് ഇടിച്ച് ബൈക്ക് യാത്രികർക്ക് ഗുരുതര പരിക്ക്. കുറ്റ്യാ ടി കോഴിക്കോട് റൂട്ടിൽ ഓടുന്ന കെ.എൽ 59 എ 1314 എടത്തില്‍ ബസാണ് കാറിനെ മറികടക്കുന്നതിനിടയിൽ ബൈക്ക് ഇടിച്ച് തെറിപ്പിച്ചത്. ബാലുശ്ശേരി സ്വദേശി അശ്വന്ത്, അത്തോളി സ്വദേശി ജിബിൻ എന്നിവർക്കാണ് പരിക്കേറ്റത്. ഇരുവരെയും മെഡിക്കൽ കോളജ് ആശുപത്രിയിലേക്ക് കൊണ്ട് പോയി. ഇതിൽ അശ്വിന്റെ നില അതീവ ഗുരുതരമെന്ന് പൊലീസ് അറിയിച്ചു.